ҰННАН ЖАСАЛҒАН КОНДИТЕРЛІК ӨНІМДЕР ӨНДІРІСІНДЕ АҚУЫЗДЫ ЖҮГЕРІ ПАСТАСЫН ҚОЛДАНУ
Авторлар
-
П.М. Маликтаева
Ш. Мұртаза атындағы Халықаралық Тараз университеті, Тараз, Казақстан
-
К.Ш. Саржанова
Ш. Мұртаза атындағы Халықаралық Тараз университеті, Тараз, Казақстан
-
Т.Н. Сайлаубек
Ш. Мұртаза атындағы Халықаралық Тараз университеті, Тараз, Казақстан
DOI:
https://doi.org/10.55956/WGBN4728Тірек сөздер:
ақуызды жүгері пастасы, созылмалы печенье, амин қышқылдары, реологиялық қасиеттері, биологиялық құндылығыАңдатпа
Мақалада созылмалы печеньелер өндірісінде печеньені жүгері крахмалы өндірісінің қалдық өнімі болып табылатын, ақуызды жүгері пастасымен байыту мүмкіндігі зерттелді. Эксперименттік мәліметтерді компьютерде өңдеу нәтижесінде созылмалы печеньенің сапалық көрсеткіштерін жоғарылататын ақуызды жүгері пастасының оңтайлы мөлшері анықталды. Жұмыста қамырдың салмағына байланысты құрамына 0, 3,5, 7 және 10,5% паста қосылған үлгілер алынды. Құрамында 10,5% паста қоспасы бар печеньелердің құрылымы қабатталған, беттері тегіс емес, жарықтары бар және кеуектілігі біркелкі емес. Сондықтан, созылмалы қамырды өндіру кезінде қосылатын пастаның мөлшері 7%-дан аспауы керек. Жүргізілген зерттеулер бойынша паста қосылған печеньедегі ақуыздың аминқышқылдық құрамының талдауы, қосылатын пастаның мөлшері жоғарылаған сайын печеньенің биологиялық құндылығы алмастырылмайтын амин қышқылдарының жоғарылауына байланысты арта түсетінін көрсетті.
