APPLICATION OF HACCP PRINCIPLES TO ENSURE QUALITY AND SAFETY IN THE PRODUCTION OF SPICE AND FLAVOUR COMPOSITIONS BASED ON BIOLOGICALLY ACTIVE SUBSTANCES OF PLANT RAW MATERIALS

Аңдатпа

Зерттеу жұмысында тамақ өнеркәсібі технологияларының қарқынды дамуы жағдайында тамақ өнімдерінің сапасы мен қауіпсіздігін басқарудың тиімді жүйелерін әзірлеу қажеттілігі қарастырылады. Қазіргі тұтынушылар биологиялық құндылығы жоғары жаңа ащы-хош иісті композициялар жасауды қажет ететін пайдалы заттармен байытылған калориясы төмен тағамдарға ұмтылады.  Зерттеу барысында алғашқы тағамдарға арналған өнген дәндерге негізделген ащы-хош иісті композициялар шығаратын кәсіпорын үшін НАССР жоспарының моделі жасалды. Шешім ағашын пайдалану арқылы үш сыни бақылау нүктесі (СБН) анықталды: дәннің өскінін өсіру кезеңі, өскінін өсіру кезіндегі өңдеу кезеңі және орау кезеңі. Әрбір СБН үшін бақылау шаралары айқындалып, түпкілікті өнімнің тұрақты сапасы мен қауіпсіздігін қамтамасыз ете отырып, биологиялық, физикалық және химиялық тәуекелдерді тиімді басқаруға мүмкіндік беретін НАССР-дің жұмыс жоспары жасалды. Осылайша, НАССР принциптерін ащы-хош иісті композициялар өндірісінде қолдану олардың қауіпсіздігі мен қазіргі нарықтағы бәсекеге қабілеттілігін едәуір арттырады.