RESEARCH OF GROATS FROM AMARANTH GROWN IN THE CONDITIONS OF CENTRAL KAZAKHSTAN

Аңдатпа

Амарант өзінің ерекше тағамдық қасиеттеріне және климаттық жағдайларға төзімділігіне байланысты ғалымдар мен зерттеушілердің қызығушылығын тудыратын дақыл. Бұл зерттеудің мақсаты нан-тоқаш және кондитерлік өнімдер өндірісінде одан әрі пайдалану үшін Орталық Қазақстанда өсірілген амаранттан алынған жармаларын зерттеу болды. Амарант жармалары химиялық құрамы, дәрумендер мен минералдардың мөлшері, аминқышқылдарының құрамы, тағамдық өнімдердің қауіпсіздігі және органолептикалық крсеткіштері бойынша бағаланды. Нәтижелер амарант жармаларының ақуызға (17,97%), талшықтарға (5,15%) және көмірсуларға (67,68%) бай екенін көрсетті. Амарант жармаларында минералдардың көп мөлшері (100 г-ға магний 190,96 мг, кальций 173,41 мг, калий 301,78 мг), сонымен қатар В1, В2, В6, В5, В12 және С дәрумендері бар. Амарант жармаларының аминқышқылдық профилі адам денсаулығына қажетті барлық аминқышқылдарының мөлшерін көрсетті. Осы жерден алынған нәтижелерге сүйенсек, біз алған амарант дәні биоактивті қосылыстардың бай көзі болып табылады және оның қоректік қасиеттеріне байланысты функционалдық азық-түліктерді әзірлеуде және жақсартуда қолдануға болады.