DEVELOPMENT OF SORPTION-SPECTROPHOTOMETRIC DETERMINATION OF COBALT IONS IN ENVIRONMENTAL OBJECTS

Аңдатпа

Бұл зерттеу мақаласында кобальт(II) иондарының синтезделген полиакрилонитрилді сорбентке (PPD) иммобилизацияланған 4-((2-гидрокси-3-нитрозо-1-нафтил)азо)бензолсульфон қышқылымен (HNNBSA) комплекстүзуі зерттелді. Реагентті иммобилизациялау және оның кобальт иондарымен комплекстүзуінің оңтайлы жағдайлары анықталды. Иммобилизацияланған реагенттің аналитикалық қасиеттері спектрофотометриялық, спектроскопиялық, рентген-флуоресценттік талдау және сканерлеуші электрондық микроскопия әдістерімен зерттелді. HNNBSA–PPD жүйесіне негізделген аналитикалық әдістің жоғары селективтілікпен, дәлдікпен және қайталанғыштықпен сипатталатыны анықталды. Иммобилизацияланған реагенттің және оның кобальт(II) иондарымен түзілген кешенінің спектрлік сигналдарының максимумдары сәйкесінше 475 және 575 нм-де байқалады. Кобальтты анықтау шегі 0,02 мкг/мл құрайды. Зерттеу нәтижесінде әдіс сорбентті регенерациялаудың қарапайымдылығымен және жоғары жеделдігімен сипатталады және қоршаған орта объектілеріндегі кобальт иондарын анықтау үшін қолданылуы мүмкін.